დღეს ძალიან მარტივი, მსუბუქი, ჯანსაღი და გემრიელი სუპის რეცეპტი უნდა გაგიზიაროთ. არის დაბალკალორიული და სამარხვო. თუ მოგწონთ ჩემი ვიდეო რეცეპტები, გამოიწერეთ ჩემი YouTube არხი.
ყაბაყის კრემ-სუპი ავოკადოთი და პიტნით
ინგრედიენტები:
- 2 ცალი ყაბაყი
- 1/2 ავოკადო
- 1 ხახვი
- 1 კბილი ნიორი
- 2 ს.კ. პიტნა წვრილად დაჭრილი
- 2 ს.კ. ზეითუნის ზეთი
- 2 ს.კ. ლიმონის წვენი
- 850 მლ წყალი
- გემოვნებით მარილი & პილპილი
მომზადება:
- ხახვი და ნიორი წვრილად, ყაბაყი და ავოკადო კუბებად დაჭერით.
- ქვაბში ჩაასხით ზეთი, დაუმატეთ ხახვი და ნიორი და მოშუშეთ 5 წთ. შემდეგ კი დაუმატეთ ყაბაყი და განაგრძეთ შუშვა 10 წთ.
- დაუმატეთ წყალი და მიიყვანეთ ადუღებამდე, შემდეგ გადმოდგით ცეცხლიდან და დაუმატეთ დაჭრილი ავოკადო და პიტნა, მარილი და პილპილი გემოვნებით.
- ეს ყველაფერი დააბლენდერეთ და დაუმატეთ ლიმონის წვენი. კარგად ამოურიეთ.
- მიირთვით თბილი ნივრიან კრუტონებთან ერთად.გემრიელად მიირთვით!
