ეს არის ტირამისუს საუკეთესო ვარიანტი, რაც კი მომიმზადებია. გამოდის სასწაულად გემრიელი.
ტირამისუ
ინგრედიენტები:
- 100 გ სავოიარდის ჩხირები
- 150 გ მასკარპონე
- 200 გ ნაღები 35% ცხიმიანობის
- 50 გ შაქარი
- 2 დიდი კვერცხის გული
- 1 გ შაქრიანი ვანილი
- 125 მლ ძლიერი ყავა
- 1 ჩ.კ. ყავის ლიქიორი
- 1-2 ჩ.კ. კაკაო
მომზადება:
- კვერცხის გულები და შაქარი ერთად ათქვიფეთ, გადაიტანეთ ორთქლის აბაზანაზე 10 წუთით, ურიეთ განუწყვეტლივ. შემდეგ გადმოდგით და შეაგრილეთ ოთახის ტემპერატურამდე.
- ცივი მასკარპონე ათქვიფეთ კრემოვანი მასის მიღებამდე, 2-3 ეტაპად შეათქვიფეთ გაგრილებული კვერცხის გულებიანი მასა და ვანილინი.
- ცალკე თასში ათქვიფეთ ცივი ნაღები კრემოვანი მასის მიღებამდე, შემდეგ კი შეურიეთ პირველ მასას სილიკონის ნიჩბით.
- ყავას დაუმატეთ ლიქიორი.
- აწყობა - სავოიარდის ნაჭრები ორივე მხრიდან 1 წამით შეახეთ ყავას, მოათავსეთ ჭიქაში, ზემოდან გაანაწილეთ მომზადებული კრემი, გაიმეორეთ იგივე ეტაპები.
- მოათავსეთ მაცივარში 4 საათით.
- ბოლოს დააცერით კაკაო და გემრიელად მიირთვით.
