ჩემი ერთ-ერთი საყვარელი დესერტია. დიდი ხანია არ გამიკეთებია და დღეს სიამოვნებით მოვამზადე. ალბათ დამეთანხმებით, რომ უგემრიელესია <3 მომზადებაც რა მარტივი აქვს, თუ გიყვართ აუცილებლად მოამზადეთ, გაინებივრეთ თავი გემრიელი დესერტით. გამოცდილ რეცეპტს კი მე გთავაზობთ.
ტარტალეტკები
ინგრედიენტები:
ფხვიერი ფენა:
- 280-300 გ ფქვილი
- 2 ს.კ. შაქარი
- 2 ჩ.კ. კაკაო
- მწიკვი მარილი
- 150 გ კარაქი
- 3 კვერცხის გული
ბეზე:
- 3 კვერცხის ცილა
- 120-150 გ შაქარი
- 2 გ შაქრიანი ვანილი
მომზადება:
- მშრალი ინგრედიენტები: ფქვილი, კაკაო, მარილი და შაქარი შეურიეთ. დაამატეთ კუბებად დაჭრილი, დარბილებული მარგარინი (კარაქი) და ხელით კარგად ასრისეთ.
- შემდეგ დაამატეთ 3 კვერცხის გული. გააკეთეთ ცომი. თუ კარგად არ შეიკრა 1-2 ს.კ წყალი დაამატეთ.
- გააკეთეთ პატარა გუნდები და გაანაწილეთ ტარტალეტკების ფორმებში, ჩანგლით დაჩხვლიტეთ. ფორმებს ზეთიანი ბამბა წაუსვით.
- გამოაცხეთ 170-180 გრადუსზე.
- კვერცხის ცილა მწიკვ მარილთან ერთად ათქვიფეთ, როცა ღრუმბლისმაგვარ მასას მიიღებთ შაქარი 3 ნაწილად დაამატეთ. კარგად რომ გაიხსნება შაქრიანი ვანილი შეათქვიფეთ.
- გამომცხვარი ტარტალეტკები გააგრილეთ, გულში სასურველი ჯემი ჩაუდეთ (1 ჩ.კ.) და ბეზეს კრემით მორთეთ. მოაყარეთ შაქრის ფერადი კანფეტები.გემრიელად მიირთვით!
