რადგან შედარებით დაბალფასიან კრემ-ყველს მივაგენი, გადავწყვიტე ბევრ რეცეპტში გამომეყენებინა :D მისგან მოვაზადე სენდვიჩები, ტორტი და ტრიუფელები. ყველაფერი უგემრიელესი გამოვიდა. თუ ნუთელა გიყვართ, მაშინ ეს ტრიუფელები ძალიან მოგეწონებათ, რადგან გემოთი ძალიან ჰგავს მას. მზადდება ძალიან სწრაფად და მარტივად. კარგი არჩევანია წვეულებებისა და ფურშეტებისთვის.
ტრიუფელები ფრანგული დესერტია. მისი მომზადების სხვადასხვა ვარიაცია არსებობს. მის შემადგენლობაში აუცილებლად უნდა შედიოდეს შოკოლადი ან კაკაოს ფხვნილი. მომზადებულ ტრიუფელებს სასურველ მასაში ავლებენ:კაკაო, წვრილდ დაჭრილი თხილი, ქოქოსის ფანტელი და სხვა.. ხშირად გამდნარ შოკოლადში ავლებენ და აშრობენ. სახლში მომზადება საკმაოდ მარტივია, არ სჭირდება დიდი კუინარიული ნიჭი. ბლოგზე ტრიუფელების მომზადების მეორე რეცეპტის ნახვაც შეგიძლიათ.
ამ ტრუფელების მოსამზადებლად მხოლოდ 5 ინგრედიენტი და რამდენიმე წუთი დაგჭირდებათ, გემო კი ძალიან მოგეწონებათ.