ცხელი შოკოლადი რაფინირებული შაქრის გარეშე - რეცეპტი, რომლის შედეგმაც მოლოდინს გადააჭარბა.
ფინიკი ზომიერ, სასიამოვნო სიტკბოს ანიჭებს, აქვს ბლანტი ტექსტურა და შოკოლადის არომატი მკვეთრად იგრძნობა.
ცხელი შოკოლადი რაფინირებული შაქრის გარეშე
ინგრედიენტები:
- 8 მოუხალავი ნუში
- 4 ფინიკი (უკურკო)
- 1.5 ჭიქა რძე (370 მლ)
- 1/2 ჭიქა წყალი (120 მლ)
- 30 გ კაკაო
- 40 გ შავი შოკოლადი
მომზადება:
- ფინიკი და ნუში ½ ჭიქა ცხელ რძეში დაალბეთ 30 წუთით.
- შემდეგ გადაიტანეთ ბლენდერში, დაუმატეთ კაკაო და წყალი და კარგად დააბლენდერეთ ერთგვაროვანი მასის მიღებამდე.
- მიღებული მასა გადაიტანეთ ქვაბში დარჩენილ რძესთან და დაჭრილ შოკოლადთან ერთად. დადგით საშუალოდ დაბალ ცეცხლზე და ურიეთ შოკოლადის სრულ გადნობამდე.
- შემდეგ კი გადმოდგით და დაასერვირეთ. გემრიელად მიირთვით!
