რამდენიმე დღეა უკვე სასიამოვნოდ დათბა, უკვე დროა გადავიდეთ გამაგრილებელ სასმელებზე. მარკეტებში გაზიანი სასმელების ფართო არჩევანია, მაგრამ სახლში დამზადებულ ლიმონათს ვერ შეედრება ? და აი, როგორც დაგპირდით ბლოგზე ვამატებ ახალ კატეგორიას “სასმელები” იმედია მოგეწონებათ, ახლა კი გადავალ რეცეპტზე ?
სახლში დამზადებული ლიმონათი
ინგრედიენტები:
- 250 მლ წყალი
- 200 გ შაქარი
- 250 მლ ლიმონის წვენი
- 750 მლ გაზიანი სასმელი (მინერალური წყლებიდან ნებისმიერი)
მომზადება:
- ქვაბში ვასხამთ წყალს, ვყრით შაქარს და ვდგამთ დაბალ ცეცხლზე, თან გამუდმებით ვურევთ სანამ შაქარი არ გაიხსნება.
- შემდეგ გადმოდგით ცეცხლიდან და დაუმატეთ ლიმონის წვენი და გაზიანი წყალი, კარგად აურიეთ და გააგრილეთ.
- გადაიტანეთ ჭიქებში და ჩამოაცვით ლიმონის ნაჭერი.გემრიელად მიირთვით!
