დღითიდღე ტემპერატურა იმატებს და კვების რაციონშიც დროა ცვლილებები შევიტანოთ. სალათები შესანიშნავია ასეთი ცხელი ამინდებისათვის, თან თუ მარტივად და სწრაფად კეთდება ამას რა სჯობს?! მაშ ასე, გთავაზობთ ამ შესანიშნავი სალათის რეცეპტს, ყველა სიკეთესთან ერთად დაბალკალორიულია
კარტოფილისა და კომბოსტოს სალათა
ინგრედიენტები:
- 1 პატარა ახალი კომბოსტო
- 3 კარტოფილი
- 1 კონა კამა
- 1 კონა ოხრახუში
- 6 მწვანე ხახვი
- 1 პატარა ხახვი
- 1 მწვანე ბულგარული წიწაკა
- გემოვნებით ზეითუნის ზეთი
- გემოვნებით მარილი
მომზადება:
- კომბოსტოს ქორფა ფურცლები მსხვილად დავჭრათ.
- კარტოფილი მოვხარშოთ და გაგრილებული საშუალო ზომის კუბიკებად დავჭრათ.
- მწვანილი წვრილად, ხახვი მრგვალად, ბულგარული წიწაკა კი გრძელ ნაჭრებად დავჭრათ.
- ყველა ეს ინგრედიენტი ავურიოთ, მოვაყაროთ მარილი (გემოვნებით) მოვასხათ ზეთი და ამოვურიოთ.გემრიელად მიირთვით!
