რაფაელო-თითქმის ყველასათვის საყვარელი ტკბილეულია. თუ გსურთ მისი მომზადება, შეგიძლიათ ეს რეცეპტი გამოიყენოთ. რა თქმა უნდა, გემო ზუსტად ანალოგიური არაა, მაგრამ საკმაოდ გემრიელ დესერტს მიიღებთ.
სახლში მომზადებული “რაფაელო”
ინგრედიენტები:
- 370 გ შესქელებული რძე
- 200 გ კარაქი ოთახის ტემპერატურის
- 1 ჭიქა თხილი
- 2 გ შაქრიანი ვანილი
- 200 გ ქოქოსის ფანტელები
მომზადება:
- კარაქი ათქვიფეთ, დაამატეთ შესქელებული რძე, ვანილი და თქვიფეთ. კრემისებურ მასას რომ მიიღებთ დაამატეთ ქოქოსის ფანტელების ნახევარზე მეტი. კარგად აურიეთ და შედგით საყინულეში 1-2 საათი.
- ამასობაში მოხალეთ თხილი და კანი გააცალეთ. რაფაელო გამოიღეთ, გულში ჩაუდეთ თხილი და დაამრგვალეთ, ამოავლეთ ქოქოსის ფანტელში. შემდეგ ცოტახანი კიდევ შედგით მაცივარში.გემრიელად მიირთვით!
