Ingredients
-
3 ც. ქათმის ფილე
-
350 გ. ქამა სოკო
-
125 მლ ანუ 1/2 ჩ.ჭ. მაღალპროცენტიანი (33%+) ნაღები
-
125 მლ ანუ 1/2 ჩ.ჭ. თეთრი ღვინო
-
70 გ. კარაქი
-
1,5 ჩ.ჭ. ანუ 375 მლ ქათმის ბულიონი ან წყალი
-
1/2 ჩ.ჭ. ფქვილი
-
1/2 ჩ.კ. + გემოვნებით მარილი
-
1 ჩ.კ. + გემოვნებით პილპილი
-
2 კბილი ნიორი
-
2 თავი წითელი ხახვი
-
1/2 ჩ.კ. ნივრის ფხვნილი
-
1 ს.კ. ზეითუნის ზეთი
-
1 ჩ.კ. ქონდარი
-
1 ს.კ. დიჟონის მდოგვი
-
2 ჩ.კ. სიმინდის სახამებელი
-
2 ს.კ. წყალი
Directions
- ქათმის ფილე ქაღალდის ხელსახოცით კარგად გაამშრალეთ, შუაზე გაჭერით რომ მიიღოთ 2-2 თხელი ნაჭერი.
- ფქვილს დაუმატეთ 1/2 ჩ.კ. მარილი, 1 ჩ.კ. პილპილი და ნივრის ფხვნილი, აურიეთ. მასში კარგად ამოავლეთ ქათმის თითოეული ნაჭერი, შემდეგ ცოტა შეარხიეთ, რომ ზედმეტი ფქვილი მოაშოროთ, დაალაგეთ ცალკე დაფაზე/თეფშზე.
- გაცხელებულ დიდ, ღრმა ტაფაში მოათავსეთ 30 გ. კარაქი და ზეითუნის ზეთი, როცა კარაქი გადნება ტაფაზე მოათავსეთ ქათმის ნაჭრები, შეწვით საშუალო ცეცხლზე ერთ მხარეს 5 წთ, შემდეგ ამოაბრუნეთ და მეორე მხარეს განაგრძეთ შეწვა 3-5 წთ. შემწვარი ფილე ამოიღეთ თეფშზე და თბილად შეინახეთ.
- ტაფაზე დაამატეთ დარჩენილი კარაქი, როცა გადნება დაუმატეთ თხლად დაჭრილი ქამა სოკო, პერიოდულად ამოურიეთ, როცა სოკო კარგად გაყავისფერდება და თავის წვენს გამოუშვებს, მზადაა, ამისათვის დაახლოებით 8 წთ დასჭირდეაბა.
- სოკოს დაუმატეთ ალყა-ალყა დაჭრილი ხახვი, ამოურიეთ და მოშუშეთ, როცა ხახვი დარბილდება, დაუმატეთ წვრილად დაჭრილი ნიორი, ამოურიეთ, 30 წმ-ში დაუმატეთ ღვინო, შეარხიეთ ტაფა, შემდეგ დაუმატეთ ქონდარი, ქათმის ბულიონო (ან წყალი), ნაღები და დიჟონის მდოგვი, მიიყვანეთ ადუღებამდე და ადუღეთ 5 წთ დაბალ ცეცხლზე.
- სიმინდის სახამებელი გახსენით 2 ს.კ. წყალში, მიღებული მასა დაამატეთ ტაფაში და კარგად ამოურიეთ. (ეს სოუსს შეასქელებს და სასიამოვნო კონსისტენციას მისცემს), ტაფაში დააბრუნეთ უკვე მომზადებული ქათმის ფილეც, კვლავ წამოადუღეთ სოუსი და ადუღეთ 5 წთ, ამ პერიოდში სოუსი გასქელდება და ქათამიც გათბება.
- ბოლოს გემოვნებით დაუმატეთ მარილი და პილპილი და კერძიც მზადაა, ასევე შეგიძლიათ მოახეხოთ პარმეზანი, რაც კიდევ უფრო საოცარ არომატს შესძენს თქვენს სადილს.
უგემრიელესი და განსაკუთრებული, ღვთაებრივი კერძი მზადაა, გემრიელად მიირთვით!