ვეგანური/სამარხვო ბურიტო
Ingredients
- 2 ცალი ტორტია ან სომხური ლავაში
- 2/3 ჭიქა ლობიო
- 1/2 ჭიქა ბრინჯი
- 1 წითელი ბულგარული წიწაკა
- 1/3 თავი წითელი ხახვი
- 1 მწვანე წიწაკა
- გემოვნებით სიმინდის მარცვლები
- გემოვნებით სალათის ფურცლები
- გემოვნებით ავოკადო ან გუაკამოლე
Instructions
- ბრინჯი მოხარშეთ, ლობიოც ჩვეულებრივ მოხარშეთ. (როცა ადუღდება წყალი გადაღვარეთ და ახალ წყალში მოხარშეთ).
- მოხარშული ლობიო 1 ს.კ. ნახარშ წვენთან ერთად ჩანგლით კარგად ჩაჭყლიტეთ, დაუმატეთ ბრინჯი, ცოტა მარილი და აურიეთ.
- სომხური ლავაში შუაზე გადაკეცეთ, მის ცენტრში გაანაწილეთ ბრინჯისა და ლობიოს მასა, ისე რომ კიდეებზე 3-4 ს.მ. დარჩეს თავისუფალი. ზემოთ გაანაწილეთ გუაკამოლე ან ავოკადოს ნაჭრები, მოაყარეთ ალყა-ალყა დაჭრილი ხახვი, სიმინდი, სალათის ფოთლები (ხელით დანაწევრბული), რგოლებად დაჭრილი მწვანე წიწაკა, ჟულიენებად (გრძელ და წვრილ ნაჭრებად დაჭრილი) დაჭრილი წითელი ბულგარული წიწაკა. გვერდები გადმოაფარეთ, შემდეგ ზედა ნაწილი და გადაახვიეთ.
- გაცხელებულ ტაფაში მოათავსეთ თითოეულ მხარეზე 3-5 წთ.გემრიელად მიირთვით!
რჩევები
გირჩევთ, ლობიო წინა საღამოს დაალბოთ, რათა სწრაფად მოიხარშოს.