0 0
ჰუმუსი გამომცხვარი ჭარხლით

გააზიარე:

ასევე შეგიძლია დააკოპირო ლინკი გაზიარებისათვის

ინგრედიენტები

შეცვალე პორცია:
2/3 ჩ.ჭ. მუხუდო
2 ს.კ. ტაჰინის პასტა
300 გ. ჭარხალი
1 ც. ლიმონის წვენი
1 კბილი ნიორი
4 ს.კ. ზეითუნის ზეთი
გემოვნებით მარილი

ჰუმუსი გამომცხვარი ჭარხლით

კლასიკური ჰუმუსის შემდეგ ახალი, განსხვავებული ვარიანტი მინდა გაგიზიაროთ. გამომცხვარი ჭარხალი საოცარ ფერთან ერთად არაჩვეულებრივ არომატსა და გემოსაც ანიჭებს.

  • 2 სთ.
  • პორცია 6
  • მარტივი

ინგრედიენტები

მომზადება

გაზიარება

ინგრედიენტების ჩამონათვალში მითითებულია მშრალი მუხუდოს რაოდეონობა, რომელიც მომზადების შემდეგ ხდება 2 ჩ.ჭ. მოცულობის, თუ თქვენ გამოიყენებთ დაკონსერვებულ მუხუდოს, შესაბამისად დაგჭირდებათ 2 ჩ.ჭ.

  1. მუხუდო კარგად გარეცხეთ, მოათავსეთ ღრმა თასში და დაასხით 2 ჩ.ჭ. წყალი, გააჩერეთ მთელი ღამე. ამ დროის განმავლობაში გაფუვდება და მოცულობაში საკმაოდ მოიმატებს.
  2. დილით გადაღვარეთ წყალი, მოათავსეთ ქვაბში და დაასხით იმდენი წყალი, მუხუდოს 3-4 სმ-ით უნდა ფარავდეს, დადგით საშუალო ცეცხლზე, ხარშეთ 1,5-2 სთ.
  3. ჭარხალი კარგად გარეცხეთ (არ გათალოთ),  გაამშრალეთ და დაალაგეთ საცხობ ფორმაზე, შედგით 220 გრადუსზე გაცხელებულ ღუმელში და აცხვეთ დაახლოებით 1 სთ. ხის წკირით შეამოწმეთ, თუ რბილად და თავისუფლად ჩადის, მზადაა. გამოიღეთ, გააგრილეთ და მოაშორეთ კანი, დაჭერით 2-3 სმ-ის ნაჭრებად.
  4. მოხარშულ მუხუდოს გადაუწურეთ წყალი, მუხუდო მოათავსეთ სამზარეულოს კომბაინში, დაუმატეთ ჭარხლის ნაჭრები, ტაჰინის პასტა, ლიმონის წვენი, წვრილად დაჭრილი ნიორი, ზეითუნის ზეთი და მარილი, აქციეთ ერთიან მასად.
  5. ჰუმუსი შეგიძლიათ მიირთვათ დაჭრილ ბოსტნეულთან ან პიტასთან ერთად, ასევე შეგიძლიათ გამოიყენოთ სენდვიჩებშიც.

განსხვავებული და ძალიან გემრიელი ჰუმუსი გამომცხვარი ჭარხლით მზადაა, გემრიელად მიირთვით! 

ჰუმუსის კლასიკური ვარიანტის რეცეპტი –> ჰუმუსი – კლასიკური ვარიანტი

მედეა ჩუბინიძე

ბლოგის ავტორი.

წინა
შოკოლადის ნამცხვარი ხაჭოს ბურთულებით
შემდეგი
ბერლინური დონატები
წინა
შოკოლადის ნამცხვარი ხაჭოს ბურთულებით
შემდეგი
ბერლინური დონატები
error: საავტორო უფლებები დაცულია!!