0 0
კუსკუსისა და თინუსის სალათი ბოსტნეულით

გააზიარე:

ასევე შეგიძლია დააკოპირო ლინკი გაზიარებისათვის

ინგრედიენტები

შეცვალე პორცია:
კუსკუსისთვის:
1 ჩ.ჭ. კუსკუსი
1 1/3 ჩ.ჭ. წყალი
1 კბილი ნიორი
1 ს.კ. ზეითუნის ზეთი
1 ჩ.კ. მარილი
სალათისთვის:
120 გ. თინუსი ზეთში
1 ც. წითელი ბულგარული წიწაკა
120 გ. სიმინდის მარცვლები
1 ც. კიტრი
1/2 ჩ.კ. ორეგანო
1/2 ჩ.კ. ბაზილიკი (სუნელი)
გემოვნებით მარილი
გემოვნებით პილპილი
1 ლიმონის წვენი
2 ს.კ. ზეითუნის ზეთი

კუსკუსისა და თინუსის სალათი ბოსტნეულით

კუსკუსი არაჩვეულებრივი ბაზაა გემრიელი სალათების მოსამზადებლად, ბოლო პერიოდში ძალიან ხშირად ვიყენებ და ყველაფერთან ძალიან მომწონს. შეგიძლიათ დაუმატოთ ნებისმიერი ბოსტნეული და ხორცი. დღევანდელი სალათი ჩემთვის უსაყვარლეს ინგრედიენტებს შეიცავს, თევზი და ბოსტნეული, ამას პლუს კუსკუსი არაჩვეულებრივი კომბინაციაა. არის მსუბუქი, ჯანსაღი და ძალიან გემრიელი. განსაკუთრებით უხდება ლიმონის წვენი.

  • 30 წთ.
  • პორცია 8
  • მარტივი

ინგრედიენტები

  • კუსკუსისთვის:

  • სალათისთვის:

მომზადება

გაზიარება
  • კუსკუსის მოსამზადებლად, აადუღეთ წყალი პატარა ქვაბში, დაუმატეთ წვრილად დაჭრილი ნიორი, მარილი და ზეითუნის ზეთი, მოურიეთ, დაუმატეთ კუსკუსი, კარგად ამოურიეთ და გამორთეთ ცეცხლი. ქვაბს დააფარეთ თავსახური და ასე გააჩერეთ კუსკუსი გასაფუებლად, სანამ დანარჩენ ინგრედიენტებს მოამზადებთ.
  • ბულგარული წიწაკა ცეცხლზე “დაწვით”, აანთეთ გაზი და დადეთ მასზე ბულგარული, კანი რომ გაშავდება, გადააბრუნეთ. ამ დროს იწვება მხოლოდ კანი, შიდა რბილობი კი სასიამოვნო არომატს იღებს. გააციეთ, მოაშორეთ დამწვარი კანი და დაჭერით პატარა კუბიკებად.
  • კიტრი გაჭერით სიგრძეზე, კოვზის დახმარებით ამოაცალეთ გული (გულს არ ვიყენებთ) და დაჭერით პატარა კუბებად.
  • აფუებული კუსკუსი ჩანგლის დახმარებით ააფუმფულეთ, გადაიტანეთ ჯამში და დაუმატეთ დარჩენილი ინგრედიენტები, კარგად აურიეთ და სალათი მზადაა. ლიმონის წვენი შეგიძლიათ მეტიც გამოიყენოთ თქვენი გემოვნების მიხედვით.

უგემრიელესი და ჯანსაღი სალათი მზადაა, გემრიელად მიირთვით!

მედეა ჩუბინიძე

ბლოგის ავტორი.

წინა
შაკშუკა – ნოყიერი და გემრიელი საუზმე
შემდეგი
ხორცის ბურთები ყველით ყაბაყის პასტასთან ერთად
წინა
შაკშუკა – ნოყიერი და გემრიელი საუზმე
შემდეგი
ხორცის ბურთები ყველით ყაბაყის პასტასთან ერთად
error: საავტორო უფლებები დაცულია!!