0 0

Share it on your social network:

Or you can just copy and share this url

Ingredients

გრანოლასთვის:
4 ჩ.ჭ. (მსხვილი მარცვალი) შვრია
1/4 ჩ.ჭ. (35 გ.) მოუხალავი, გარჩეული მზესუმზირა
1/4 ჩ.ჭ. (35 გ.) გოგრის თესლი
1 ჩ.ჭ. (100 გ.) ნიგოზი
1/2 ჩ.ჭ. (50 გ.) ქოქოსის ფანტელი
1/4 ჩ.ჭ. (50 გ.) ყავისფერი შაქარი
1/4 ჩ.ჭ. (60 მლ) ზეითუნის ზეთი
2 ს.კ. თაფლი
2 ს.კ. ტაჰინის პასტა
1/2 ჩ.კ. მარილი
1 ჩ.კ. დარიჩინი
1/2 ჩ.ჭ. (30 გ.) შტოშის ჩირი
1/4 ჩ.ჭ. (40 გ.) ჩიას თესლი
პარფესთვის:
გაწურული მაწონი
ბანანი
კივი

გრანოლა და პარფე – უგემრიელესი საუზმისთვის

საუზმე რომ კვების რაციონის უმნიშვნელოვანესი და აუცილებელი კომპონენტია ამაზე ყველა თანხმდება. თუმცა დილით, როცა უმეტეს შემთხვევაში ვჩქარობთ, ან ვერ ვარსწრებთ საუზმობას ან რაიმე ნაკლებად ჯანსაღს მივირთმევთ, მაგრალითად პურზე გადასმულ კარაქს. გრანოლა და მისგან მომზადებული პარფე არის ძალიან ჯანსაღი ალტერნატივა, რომლის ყველა კომპონენტი წინასწარ მომზადებული გაქვთ და დილით მის ასაწყობად სულ რაღაც 2-3 წთ დაგჭირდებათ. გრანოლა გარდა იმისა რომ ძალიან გემრიელი და ჯანსაღია, ის საკმაოდ ნოყიერი პროდუქტიცაა.

  • 40 წთ.
  • Easy

Ingredients

  • გრანოლასთვის:

  • პარფესთვის:

Directions

Share

გრანოლაში შეგიძლიათ გამოიყენოთ თქვენი საყვარელი თხილეული და ჩირეული, ამაში შეზღუდულები არ ხართ.

  1. პირველ რიგში შვრია, გოგრის თესლი, საშუალო ზომებად დატეხილი ნიგოზი, მზესუმზირა, ქოქოსის ფანტელი და ყავისფერი შაქარი მოათავსეთ ჯამში, მოაყარეთ დარიჩინი და კარგად აურიეთ.
  2. ცალკე ჯამში ერთმანეთს შეურიეთ  თაფლი, ზეითუნის ზეთი, ტაჰინის პასტა (თუ არ გაქვთ ამოიღეთ ან მიწისთხილის კარაქით ჩაანაცვლეთ) და მარილი, მიღებული მასა მოასხით მშრალ ინგრედიენტებს და ხელით კარგად შეურიეთ ერთმანეთს.
  3. საცხობ ფორმაში ჩააფინეთ საცხობი ქაღალდი და გადაიტანეთ გრანოლა, შედგით 180 გრადუსზე გაცხელებულ ღუმელში და აცხვეთ 40 წთ. ყოველ 10 წთ-ში გამოიღეთ, ამოურიეთ და შეაბრუნეთ. ჯამში მოგიწევთ 3-ჯერ გამოღება.
  4. გამომცხვარი გრანოლა ოდნავ შეაგრილეთ და შემდეგ დაუმატეთ შტოშის ჩირი და ჩიას თესლი, კარგად  აურიეთ. გრანოლა მზადაა.
  5. პარფეს მოსამზადებლად ჭიქაში ან ჯამში მოათავსეთ გაწურული მაწონი (ან ჩვეულებრივი მაწონი, ან იოგურტი), მოაყარეთ გრანოლა და მოაწყვეთ დაჭრილი ხილი, გაიმეორეთ მეორე ფენაზეც იგივე.

უგემრიელესი გრანოლა თქვენი ჯანსაღი და ნოყიერი საუზმისთვის მზადაა, გემრიელად მიირთვით!

(გრანოლა შეგიძლიათ რამდენიმე კვირა შეინახოთ ჰერმეტულ ჭურჭელში.)

მედეა ჩუბინიძე

ბლოგის ავტორი.

previous
კიში ბოსტნეულით
next
ცხელი შოკოლადი – ვიდეო რეცეპტი
previous
კიში ბოსტნეულით
next
ცხელი შოკოლადი – ვიდეო რეცეპტი