0 0
გამომცხვარი ვაშლი & კომში უგემრიელესი შიგთავსით

გააზიარე:

ასევე შეგიძლია დააკოპირო ლინკი გაზიარებისათვის

ინგრედიენტები

შეცვალე პორცია:
4 ც. ვაშლი
2 ც. კომში
1/2 ჩ.ჭ. წყალი
შიგთავსისთვის:
1/2 ჩ.ჭ. შვრია
2 ს.კ. გოგრის თესლი
2 ს.კ. ყავისფერი შაქარი
2 ს.კ. ქიშმიში
1/2 ჩ.კ. დარიჩინი
2 გ. ვანილინი
2 ს.კ. ზეითუნის ზეთი
მწიკვი მარილი

გამომცხვარი ვაშლი & კომში უგემრიელესი შიგთავსით

გამომცხვარი ვაშლი ყოველთვის ბავშვობას მახსენებს, ღუმელში ვაცხობდით ხოლმე და საოცარი არომატი ჰქონდა, არაფრის დამატება არ სჭირდებოდა, უგემრიელესი გამოდიოდა. ახლა გადავწყვიტე საცხობ ღუმელში გამომეცხო და შვრიისგან და სხვა გემრიელი დანამატებისგან შიგთავსი გამეკეთებინა, საოცრება გამოვიდა. მთელი სახლი ხომ ზღაპრული სურნელით აავსო და გემომ კი მოლოდინს გადააჭარბა.

  • 40 წთ.
  • პორცია 8
  • მარტივი

ინგრედიენტები

  • შიგთავსისთვის:

მომზადება

გაზიარება

შიგთავსის შემადგენლობაში შეზღუდულები არ ხართ, შეგიძლიათ დაამატოთ თხილეული, სხვადასხვა ჩირი და ყველა ის კომპონენტი რაც გიყვართ და მომზადების მომენტისთვის მოგეპოვებათ სახლში.

  • ვაშლებს ძალიან თხლად მოაჭერით თავი, კოვზის ან დანის დახმარებით ამოაცალეთ გულის დაახლოებით მესამედი, ისე რომ ვაშლის რბილობისაგან ერთგვარი თასი მიიღოთ. კომში გაჭერით სიგრძეზე და მასშიც შექმენით “თასი”.
  • შიგთავსის ყველა ინგრედიენტი მოათავსეთ ერთ ჯამში და კარგად აურიეთ.
  • ამ შიგთავსით ამოავსეთ ვაშლისა და კომშის  “თასები”.
  • ვაშლი და კომში გადაიტანეთ გამოსაცხობ ღრმა ფორმაში, ჩაასხით წყალი ხილის გვერდით. შედგით 200 გრადუსზე გაცხელებულ ღუმელში და აცხვეთ დაახლოებით 30-40 წთ. ცხობის დრო დამოკიდებულია როგორც ვაშლის სახეობაზე ასევე თქვენს ღუმელზე. კომშს უფრო დიდი დრო დასჭირდება.

უგემრიელესი და საოცარი არომატის მქონე დესერტი მზადაა, გემრიელად მიირთვით!

მედეა ჩუბინიძე

ბლოგის ავტორი.

წინა
ბულგური გამომცხვარი ბოსტნეულით
შემდეგი
სპანაკოპიტა – ისპანახისა და ფეტას ბერძნული ღვეზელი
წინა
ბულგური გამომცხვარი ბოსტნეულით
შემდეგი
სპანაკოპიტა – ისპანახისა და ფეტას ბერძნული ღვეზელი
error: საავტორო უფლებები დაცულია!!