ტოლმა ვაზის ფოთოლში მაწვნის სოუსით

მომზადების ინსტრუქცია

• გარეცხილ ბრინჯს დაუმატეთ 180 მლ წყალი, დადგით საშუალო ცეცხზე და ადუღეთ 3-4 წთ (ვხარშავთ ნახევრად). შემდეგ გაავლეთ ცივი წყალი და მშრალად შეინახეთ ფარშში დამატებამდე.
• გაცხელებულ ტაფაზე დაასხით ზეთი, დაუმატეთ კარაქი და როცა კარაქი გადნება დაუმატეთ წვრილად დაჭრილი ხახვი. მოშუშეთ, როცა შეოქროსფერდება გადმოდგით ცეცხლიდან.
• მოზრდილ ჯამში მოათავსეთ საქონლის ფარში, დაუმატეთ ბრინჯი, მოშუშული ხახვი, წვრილად დაჭრილი ქინძი & პიტნა, ძირა, მარილი, პილპილი და დაღერღილი წიწაკა, კარგად ამოურიეთ რომ ყველა ინგრედიენტი თანაბრად გადანაწილდეს ფარშში.
• დაკონსერვებულ ვაზის ფოთლებს გაავლეთ წყალი და შეაშრეთ. პრიალა ზედაპირით დადეთ თეფშზე, გლუვი ზედაპირის მხარეს, ფართო ნაწილთან დადეთ 1 ს.კ. შიგთავსი, გადაკეცეთ ვიწრო მხარისკენ, ერთი გადახვევის შემდეგ გადმოუკეცეთ გვერდები და ბოლომდე გადაახვიეთ. ასე გაიმეორეთ დანარჩენი ტოლმებისთვისაც.
• ქვაბის ძირზე ჩააფინეთ ვაზის ფოთლები და ერთმანეთთან მჭიდროდ ჩააწყვეთ მომზადებული ტოლმები, დაასხით 2 ჩაის ჭიქა (500 მლ) წყალი, დაუმატეთ ლიმონის წვენი და მარილი. ზემოდან დაადეთ განიერი თეფში (იმისთვის რომ მომზადებისას ზემოთ არ ამოვიდნენ ტოლმები). ქვაბს დაახურეთ თავსაფარი და დადგით საშუალო ცეცხლზე. როცა ადუღდება, დაუწიეთ და ადუღეთ 1 საათი და 15 წთ. მომზადებული ტოლმა სერვირებამდე 15 წუთით დაასვენეთ ქვაბში.
• სოუსისთვის გაწურულ მაწონს დაუმატეთ წვრილად დაჭრილი ნიორი და პიტნა, მარილი, შაქარი, ლიმონის წვენი და ზეითუნის ზეთი. კარგად ამოურიეთ და სოუსიც მზადაა.
• ტოლმა მიირთვით მაწვნის სოუსთან ერთად.