საახალწლო ღვეზელი “ნაძვის ხე”
დღევანდელი რეცეპტი მარტივი და სახალისო მოსამზადებელია. გემო არის წარმოუდგენლად გემრიელი. ვიზუალი განსხვავებული და ორიგინალური. თქვენს საახალწლო სუფრას ნამდვილად გაახალისებს და დაამშვენებს.
საახალწლო ღვეზელი “ნაძვის ხე”
კატეგორია: საახალწლოინგრედიენტები
- ცომისთვის:
1 + 1/3 ჩ.ჭ. (330 მლ) თბილი წყალი
2 + 1/4 ჩ.კ. საფუარი
1 ჩ.კ. შაქარი
4 ჩ.ჭ. ფქვილი
1 ჩ.კ. მარილი
2,5 ს.კ. ზეითუნის ზეთი
- ასევე:
30 ცალი სულგუნის კუბი 1X1 სმ
1 კვერცხი
1/3 კონა ოხრახუში
30 გ. გახეხილი სულგუნი
30 გ. გამდნარი კარაქი
მომზადების ინსტრუქცია
- თბილ წყალს დაუმატეთ შაქარი და საფუარი, კარგად მოურიეთ. გადააფარეთ სამზარეულოს ცელოფანი და გააჩერეთ თბილ ადგილას 10-15 წუთი იმისათვის რომ საფუარი გააქტიურდეს.
- ცალკე ჯამში მოათავსეთ ფქვილი, დაუმატეთ მარილი, გაფუებული საფუვრიანი მასა და 2 ს.კ. ზეითუნის ზეთი. მოზილეთ რბილი ცომი.
- ცომს გადაუსვით 1/2 ს.კ. ზეითუნის ზეთი, გადააფარეთ სამზარეულოს ცელოფანი და დადგით თბილ ადგილას ასაფუებლად 2 საათი.
- აფუებული ცომი გაყავით რამდენიმე ნაწილად, გააბრტყელეთ და გამოჭერით 5×5 სმ სიგრძის კვადრატები, თითოეულის ცენტრში მოათავსეთ სულგუნის კუბი და დაამრგვალეთ (იხილეთ ვიდეო).
- საცხობ ფორმაზე დააფინეთ საცხობი ქაღალდი და სულგუნიანი ბურთულები დაალაგეთ ერთმანეთთან მჭიდროდ ისე რომ ნაძვისხის ფორმა მიიღოთ (იხილეთ ვიდეო).
- გადაუსვით ათქვეფილი კვერცხი და გამოაცხვეთ 220 გრადუსზე გაცხელებულ ღუმელში. დასჭირდება 10-15 წუთი.
- გამომცხვარ ღვეზელს გადაუსვით გამდნარი კარაქი, მოაყარეთ წვრილად დაჭრილი ოხრახუში და გახეხილი სულგუნი.
გემრიელად მიირთვით! ბედნიერ შობა-ახალ წელს გისურვებთ!
ვიდეო რეცეპტი
შეიძლება ასევე დაგაინტერესოთ:
![Pin](https://www.pinterest.com/pin/create/button/?url=https://letscook.ge/2020/12/26/%e1%83%a1%e1%83%90%e1%83%90%e1%83%ae%e1%83%90%e1%83%9a%e1%83%ac%e1%83%9a%e1%83%9d-%e1%83%a6%e1%83%95%e1%83%94%e1%83%96%e1%83%94%e1%83%9a%e1%83%98-%e1%83%9c%e1%83%90%e1%83%ab%e1%83%95%e1%83%98/&media=https://letscook.ge/wp-content/uploads/2020/12/ResizerImage1920X1080.jpg&description=საახალწლო%20ღვეზელი%20"ნაძვის%20ხე"){kind=link}
