თურქული ბაზლამა

მომზადების ინსტრუქცია

• თბილი წყალი, შაქარი და საფუარი მოვათავსოთ ჯამში, კარგად ავურიოთ, გადავაფაროთ ჩაის ტილო და გავაჩეროთ თბილ ადგილას 10-15 წთ იმისათვის რომ საფუარი გააქტიურდეს.
• საფუარი რომ გააქტირდება, დავუმატოთ მაწონი, ზეითუნის ზეთი, მარილი და ფქვილი. მოვზილოთ რბილი ცომი. თუ ზელვის დროს ცომი ხელზე ძალიან გეკრობათ, დაუმატეთ ფქვილი ნახევარ ჩაის ჭიქამდე, ჯერ დაუმატეთ 1 ს.კ. გადაზილეთ და ასე დაუმატეთ იქამდე რომ ცომი აღარ გეწებებოდეთ ხელზე. ცომს გადაუსვით ზეთი. გადააფარეთ ჩაის ტილო და დადგით თბილ ადგილას ასაფუებლად 40-60 წუთი.
• აფუებული ცომი გადმოვიტანოთ ფქვილმოყრილ ზედაპირზე, ოდნავ გადავზილოთ და გავყოთ 10 თანაბარ ადგილას. თითოეულს მივცეთ გუნდის ფორმა. გადავაფაროთ ჩაის ტილო და დავასვენოთ 10-15 წუთი.
• თითოეული გუნდა გავაბრტყელოთ ნახევარი სანტიმეტრის სისქეზე და გადავიტანოთ გაცხელებულ ტაფაზე. ვაცხობთ ორივე მხრიდან, დასჭირდება დაახლოებით 3-4 წთ.
  
• ბაზლამას შეგიძლიათ გადაუსვათ ზეითუნის ზეთისა და სასურველი მწვანილის ნარევი.
  
  
  გემრიელად მიირთვით!