ქორნდოგები – ვიდეო რეცეპტი

მომზადების ინსტრუქცია

• ცომის მოსამზადებლად ორივე სახეობის ფქვილი ჩაცერით ჯამში, დაუმატეთ დანარჩენი მშრალი ინგრედიენტები და მოურიეთ.
• ცალკე ჯამში მოათავსეთ კვერცხი და რძე, ათქვიფეთ ხელის სათქვეფით.
• რძიანი მასა დაუმატეთ მშრალ ინგრედიენტებს და ხელის სათქვეფით შეურიეთ ერთმანეთს.
• მომზადებული ცომი გადაიტანეთ მაღალ ჭიქაში.
• ქორნდოგები შეგიძლიათ მოამზადოთ როგორც მთლიანი სოსისისგან, ასევე შეგიძლიათ გაჭრათ და პატარა ზომის მოამზადოთ. სოსისების 3/4 წამოაცვიათ ხის ჩხირებზე, სოსისებს თხელ ფენად მოაყარეთ ფქვილი და ხელით გადაანაწილეთ მთელ ზედაპირზე.
• ამოავლეთ მომზადებულ ცომში, გააკეთეთ რამდენიმე წრიული მოძრაობა. გადაიტანეთ გაცხელებულ ზეთში და გააჩერეთ 3-4 წუთი. ამ დროის განმავლობაში პერიოდულად ამოაბრუნეთ, რათა თანაბრად შეიწვას. ასევე აუცილებელია რომ ცეცხლი იყოს დაბალი, რომ გარედან არ დაწვას ქორნდოგები და შიგნიდან კი უმი არ დარჩეს.
• მომზადებული ქორნდოგები გადმოიტანეთ რამდენიმე ფენა სამზარეულოს ხელსახოცზე, რათა ზედმეტი ცხიმისგან დაიწრიტოს.
  
  გემრიელად მიირთვით!