ქათმისა და მაკარონის სუპი

უცხო ხომ არავისთვისაა ყოველ დღე იმაზე ფიქრი თუ რა გავაკეთოთ სადილად. ასე ვფიქრობდით მე და დედა და დავიწყე უცხოურ საიტებზე რეცეპტების ძებნა, რამე ნოყიერს ვეძებდი ჩემს ძმასაც რომ მოსწონებოდა და ამ სუპს წავაწყდი. ძალიან სწრაფი მოსამზადებელია და უგემრიელესი გამოდის, პლუს საოცარი სურნელი და არომატი აქვს. მშვენიერი იდეაა გემრიელი სადილისთვის.

დაგჭირდებათ:

• 500 გ. ქათმის ხორცი (ძვლის გარეშე)
• 200 გ. მაკარონი (უმჯობესია კვერცხით მომზადებული)
• 3 საშუალო ზომი სტაფილო
• 3 საშუალო ზომის ხახვი
• 3 კბილი ნიორი
• 2 ც. დაფნის ფოთოლი
• 1/2 ჩ.კ. ორეგანო
• 2 ჩ.კ. უცხო სუნელი
• 1 ჩ.კ. პილპილი (ან თქვენი გემოვნებით)
• 2,5 ლ. წყალი ან ქათმის ბულიონი
• მარილი გემოვნებით
• 1 ჩ.კ. დაღერღილი წიწაკა
• 2 ს.კ. ზეთი + 1/2 ს.კ. ქათმის შესაწვავად
• 1 კონა ოხრახუში

მომზადება:

• ქათამს მოაყარეთ მარილი და დაღერღილი წიწაკა, შეწვით ზეთმოსხმულ ტაფაზე, მაღალ ცეცხლზე. შემწვარი ქათამი დაჭერით სასურველ ზომებად.
• სტაფილო გათალეთ და დაჭერით თხელ რგოლებად, ხახვი და ნიორი კი წვრილად დაჭერით.
• ქვაბში ჩაასხით 2 ს.კ. ზეთი, გააცხელეთ და დაუმატეთ ხახვი და სტაფილო, მოთუშეთ, 5 წთ-ში დაუმატეთ ნიორი და 1-2 წთ. განაგრძეთ შუშვა.
• შემდეგ დაუმატეთ წყალი ან ბულიონი, ორეგანო, დაფნის ფოთლები, უცხო სუნელი, პილპილი. ადუღეთ 5 წუთი.
• ჩაყარეთ მაკარონი და როცა მოიხარშება დაუმატეთ დაჭრილი ქათამი, წვრილად დაჭრილი ოხრახუში და მარილი. 1 წუთი წამოადუღეთ და გადმოდგით ცეცხლიდან.

ქათმისა და მაკარონის სუპი მზადაა, გემრიელად მიირთვით!

მედეა ჩუბინიძე

ბლოგის ავტორი.