ყველის სოუსში გამომცხვარი მაკარონი
ყველიანი მაკარონი ხომ გემრიელია და წარმოგიდგენიათ ყველის სოუსში გამომცხვარი როგორი იქნება? გეტყვით, რომ ზემოდან გემრიელად იბრაზება, შუაში კი რბილი და კრემისებური რჩება. ძალიან მარტივი მოსამზადებელია და რაც უფრო კარგ და გემრიელ ყველს გამოიყენებთ, მით უკეთესი კერძი გამოგივათ. კარგი იქნება თუ რამდენიმე სახეობის ყველს შეურევთ, მოკლედ ეს უკვე თქვენს შესაძლებლობასა და გემოვნებაზეა. მთავარია მომზადების პროცესი, რომელსაც ქვემოთ დეტალურად აღგიწერთ.
დაგჭირდებათ:
- 300 გ. მაკარონი
- 2 ჩ.ჭ. გახეხილი ყველი
- 2 ჩ.ჭ. რძე
- 40 გ. კარაქი
- 3 ს.კ. ფქვილი
- 1/2 ჩ.კ. მარილი
- 1/2 ჩ.კ. პილპილი
მომზადება:
- მაკარონი ადუღებულ მარილიან წყალში მოხარშეთ, თუმცა ზედმეტად ნუ გადახარშავთ, ფორმა უნდა შეინარჩუნოს.
- სანამ მაკარონი იხარშება მოამზადეთ სოუსი – კარაქი გაადნეთ ქვაბში, დაუმატეთ ფქვილი და ურიეთ დაახლოებით 3 წუთის განმავლობაში, შემდეგ ნელ-ნელა შეურიეთ რძე და კვლავ ურიეთ იქამდე სანამ რძე არ შესქელდება, დასჭირდება დაახლოებით 5-6 წთ.
- შემდეგ დაუმატეთ მარილი, პილპილი და გახეხილი ყველი, კარგად მოურიეთ. ყველი რომ ჩადნება სოუსი მზადაა. სოუსში ჩაყარეთ მოხარშული მაკარონი და კარგად ამოურიეთ. კერძი შეგიძლიათ ასეც მიირთვათ, თუ გამომცხვარი არ გსურთ.
- რაც შეეხება გამოცხობის ეტაპს, როცა მაკარონსა და სოუსს კარგად შეურევთ, შემდეგ ცხიმწასმუმ გამოსაცხობ ფორმაში გადაიტანეთ და შედგით 175 გრადუსზე და აცხვეთ 20-25 წთ. ზემოდან კარგად უნდა დაიბრაწოს.
მარტივი და გემრიელი კერძი მზადაა, გემრიელად მიირთვით!
შეიძლება ასევე დაგაინტერესოთ:
