სახლში მომზადებული შესქელებული რძე
მიუხედავად იმისა, რომ ბაზარზე მრავალი ფირმის შესქელებული რძეა, მაინც რთულია კარგის არჩევა. სახლში გაკეთებული პირველ რიგში იმით სჯობს, რომ თქვენ ამზადებთ და იცით რისგან შედგება. ძალიან მარტივად კეთდება და გამოდის ძალიან გემრიელი და კარგი სისქის. ფერი ბევრად უფრო მუქი აქვს ვიდრე ქარხნულს. ამ პორციით გამოდის დაახლოებით 400-450 გ. შესქელებული რძე, ე.წ. “სგუშონი”. (ამ სახელის მითითება საერთოდ არ მინდოდა, მაგრამ ბევრ ადამიანს, სამწუხაროდ, ქართული სახელწოდება ძალიან ეუცხოვება).
დაგჭირდებათ:
- 600 მლ. რძე
- 300 გ. (ანუ 12 ს.კ.) შაქარი
- ვანილი დანის წვერით
მომზადება:
- რძე და შაქარი მოათავსეთ ქვაბში, დადგით საშუალო ცეცხლზე და ურიეთ, როცა შაქარი გაიხსნება და წამოდუღდება, დაუწიეთ ცეცხლს და 40-45 წუთი ხარშეთ.
- პერიოდულად მოურიეთ ხოლმე.
- ბოლოს დაუმატეთ ვანილი.
შესქელებული რძე მზადაა!
შეიძლება ასევე დაგაინტერესოთ:
