სენდვიჩი “პიცა” – უგემრიელესია
როგორც წინა კვირას დაგპირდით, კიდევ ერთი ვიდეო რეცეპტი უნდა გაგიზიაროთ. ისეთი მარტივი და სწრაფი მოსამზადებელია და ამასთან უგემრიელესი, რომ ვფიქრობ ბევრი თქვენგანი მოამზადებს და ნამდვილად ძალიან მოგეწონებათ. ამ სენდვიჩს განსაკუთრებულად უხდება ტომატ პასტა და ორეგანო, ამიტომ დავარქვი სენდვიჩი “პიცა”. რეცეპტში ინგრედიენტების რაოდენობას არ დავწერ, რადგან ეს თქვენს გემოვნებაზეა დამოკიდებული. მეგობრებო, თუ მოგწონთ ჩემი რეცეპტები, გადადით ვიდეოს ლინკზე და გამოიწერეთ ბლოგის Youtube არხი. ვეცდები უფრო ხშირად შემოგთავაზოთ ვიდეო რეცეპტები.
დაგჭირებათ:
- ტომატპასტა
- სენდვიჩის პური (1 სენდვიჩზე 2 ნაჭერი)
- სწრაფად დნობადი ყველის ფირფიტები
- შაშხი (მე ქათმის გამოვიყენე)
- ორეგანო
- კარაქი
მომზადება:
- სენდვიჩის პურის თითოეულ ნაჭერს წავუსვათ ტომატპასტა, მოვაყაროთ ორეგანო, დავადოთ ყველის ფირფიტა, შაშხი და ისევ ყველის ფირფიტა, დავადოთ მეორე ნაჭერი პურის ტომატპასტიანი მხარე.
- ტაფაზე გავადნოთ კარაქი და სენდვიჩი ორივე მხრიდან დავბრაწოთ.
უგემრიელესი სენდვიჩი “პიცა” მზადაა, გემრიელად მიირთვით!
შეიძლება ასევე დაგაინტერესოთ:
