უგემრიელესი ნამცხვარი ცხობის გარეშე
დღეს ახალი ვიდეო რეცეპტი უნდა შემოგთავაზოთ, რაც ძალიან მახარებს. აქვე გეტყვით, რომ მომავალ კვირაში კიდევ ერთი ვიდეო რეცეპტი დაემატება უგემრიელესი ტოსტის. ახლა კი რაც შეეხება დღევანდელ ნამცხვარს, იმდენი პლუსი აქვს, რომ ნამდვილად მოგხიბლავთ: 1. არ სჭირდება გამოცხობა 2. არ სჭირდება უცხო და ძვირადღირებული ინგრედიენტები 3. არის ისეთი გემრიელი, რო სიტყვებით ნამდვილად ვერ აღგიწერთ, უბრალოდ უნდა გასინჯოთ და ისიამოვნოთ. 4. უმარტივესად და უსწრაფესად მზადდება.
იმედი მაქვს ვიდეოც და რეცეპტიც მოგეწონებათ, ცდით და გამიზიარებთ თქვენს შედეგებს.
დაგჭირდებათ:
- 250 გ. ორცხობილა
- 150 გ. გამდნარი კარაქი
- 200 გ. შოკოლადი
- 400 გ. ხაჭო
- 1 ქილა მოხარშული შესქელებული რძე
- 150 მლ. ნაღები
- 2 დიდი ბანანი
- კაკაო ზემოდან მოსაყრელად
მომზადება:
- ორცხობილა დაფქვით და დაუმატეთ შეგრილებული გამდნარი კარაქი, კარგად აურიეთ და გაანაწილეთ 24 სმ. დიამეტრის საცხობ ფორმაზე (უმჯობესია თუ ფორმა გვერდებმოსახსნელი იქნება). შედგით მაცივარში 1 საათით.
- შოკოლადი გაადნეთ ორთქლის აბაზანაზე და დაუმატეთ 100 მლ. ნაღები, კარგად აურიეთ.
- ხაჭოს დაუმატეთ დარჩენილი 50 მლ. ნაღები, კარგად აურიეთ.
- ბანანი დაჭერით ნახევარი სანტიმეტრი სისქის ნაჭრებად.
- ორხობილიან ფენაზე გაანაწილეთ შოკოლადის მასა, შემდეგ მოხარშული შესქელებული რძე, მოაწყეთ დაჭრილი ბანანი და შემდეგ ხაჭოს მასა გაანაწილეთ. ბოლოს მოაყარეთ კაკაო და შედგით მაცივარში რამდენიმე საათით.
უგემრიელესი ნამცხვარი მზადაა, გემრიელად მიირთვით!
შეიძლება ასევე დაგაინტერესოთ:
კრეპების ტორტი თეთრი შოკოლადის მუსითა და ბანანით- ხაჭოს პასკა - უგემრიელესია
- უგემრიელესი შოკოლადის ტორტი
- ტორტი "მთვრალი ალუბალი"
- ნამცხვარი "ყარაყუმი"
- შოკოლადის ნამცხვარი არაჟნის კრემით - უგემრიელესია
- ჩინური ტორტი მარწყვითა და ჟელეს ტოპინგით - უგემრიელესია!
- კარტოფილისა და სოკოს ბრაწულა ყველით (ვიდეო რეცეპტი)
