ფორთოხლის ესენცია
როცა ფორთოხლის ლიქიორის რეცეპტი გაგიზიარეთ, მაშინ გითხარით, რომ ფორთოხლის კანისგან უამრავი რამის გაკეთება შეიძლება და მათ შორისაა ესენციაც. იმისათვის, რომ დესერტებს სხვადასხვა არომატი შესძინოთ, ესენციები ძალიან კარგი საშუალებაა. ძალიან მარტივად კეთდება და გირჩევთ, რომ ფორთოხლის და ლიმონის კანი არ გადაყაროთ და ესენციისათვის გამოიყენოთ. კეთების პროცესი თქვენგან მინიმალურ ძალისხმევასა და დროს მოითხოვს, მაგრამ თვითონ ერთ თვეზე მეტი სჭირდება რომ მომზადდეს.
დაგჭირდებათ:
- 1 ფორთოხალი
- 250 მლ. არაყი
მომზადება:
- ფორთოხალი ისე გათალეთ, რომ კანს თეთრი ნაწილი არ მიაყოლოთ, აქაც მხოლოდ ფერადი ნაწილი გვჭირდება.
- შემდეგ კანი წვრილად და გრძლად დაჭერით, მოათავსეთ მინის ჭურჭელზე, დაასხით არაყი და დააფარეთ თავსახური. აუცილებელია, რომ ჰერმეტულად იყოს შენახული.
- შეინახეთ გრილ და ბნელ ადგილას, ყოველ დღე შეანჯღრიეთ. თქვენი ესენცია 5-6 კვირაში მზად იქნება. გამოიყენეთ კექსებში, ბლინებში, ბისკვიტებში, კრემებში… ნებისმიერ დესერტს გაამდიდრებს არომატით.
ასევე შეგიძლიათ მოამზადოთ ლიმონის ესენციაც, თუმცა ამ შემთხვევაში 2 ლიმონის კანი დაგჭირდებათ 250 მლ. არაყზე.
შეიძლება ასევე დაგაინტერესოთ:
