სოკოს უგემრიელესი სამარხვო სუპი
“რა გავაკეთოთ სადილად?”- მარადიული შეკითხვა, რომელიც ალბათ ყველა დიასახლისს ყოველდღიურად აწუხებს. მარხვის პერიოდში, მაშინ, როცა არჩევანი არც თუ ისე დიდია, ეს “პრობლემა” უფრო აქტუალური ხდება. რამდენიც არ უნდა ვილაპარაკოთ იმაზე, რომ მარხვა მარტო ჭამა არაა, საკვები და ენერგია გვჭირდება და ამიტომ ვეცდები ხშირად მოგაწოდოთ ახალი იდეები.
ეს სუპი, სამწუხაროდ, ისე მადისაღმძვრელად ვერ გამოიყურება, როგორი გემრიელიცაა, მაგრამ თუ დამიჯერებთ და მოამზადებთ, დარწმუნებული ვარ ძალიან მოგეწონებათ.
დაგჭირდებათ:
- 500 გ. ქამა სოკო (გასუფთავებული, თხლად სიგრძეზე დაჭრილი)
- 1 თავი ხახვი (წვრილად დაჭრილი)
- 3 კბილი ნიორი (წვრილად დაჭრილი)
- 5 ჩ.ჭ. სოკოს ბულიონი
- 1/2 ჩ.კ. ქინძი (სუნელი)
- 1/2 ჩ.კ. უცხო სუნელი
- მარილი, პილპილი გემოვნებით
- 2 ს.კ. ფქვილი +1/2 ჩ.ჭ. წყალი
- 60 გ. კარაქი (“დაჩა”)
მომზადება:
- დაჩა, ნიორი და სოკო მოვათავსოთ ქვაბში და დავდგათ საშუალო ცეცხლზე, მოვთუშოთ, დაახლოებით 4-5 წუთი.
- შემდეგ დავუმატოთ ხახვი და 2 წუთით კვლავ მოვთუშოთ. შემდეგ დავამატოთ ბულიონი და ვადუღოთ.
- როცა სოკო მოიხარშება, ფქვილი გავხსნათ წყალში და დავუმატოთ სუპს, ბოლოს კი მარილი, პილპილი, უცხო სუნელი და ქინძიც დავუმატოთ.
უგემრიელესი წვნიანი მზადაა, გემრიელად მიირთვით!
შეიძლება ასევე დაგაინტერესოთ:
