ხაჭოს ვარენიკები
ხაჭოს ვარენიკების გაკეთებას რამდენიმე კვირა ვგეგმავდი, თუმცა სულ გადადება მიწევდა სხვადასხვა მიზეზის გამო. 4 დღის წინ მოვამზადე, მაშინ, როცა ჯერ კიდევ ძალიან ცხელოდა. ცომის მოზელის პროცესში მივხვდი როგორ გავწირე საკუთარი თავი. 😀 ცხელ დღეებში ნამდვილად ცუდი არჩევანია მაგარი ცომის მოზელა. რაც შეეხება ვარენიკებს, ძალიან გემრიელი გამოვიდა, არც ერთი მათგანი არ ჩაშლილა.
დაგჭირდებათ:
- 3 კვერცხი
- 600 გ. ხაჭო
- 250 მლ. თბილი წყალი
- 500-600 გ. ფქვილი
- მარილი გემოვნებით
მომზადება:
- ცომის მოსამზადებლად 1 კვერცი და წყალი ერთად ავთქვიფოთ, დავუმატოთ ცოტა მარილი. შემდეგ ჩავაცრათ ფქვილი და მოვზილოთ მაგარი ცომი.
- შიგთავსი – ხაჭოს დავამატოთ მარილი, 2 კვერცი და კარგად ავურიოთ კოვზით. ერთგვაროვანი ოდნავ მოყვითალო მასა უნდა მივიღოთ.
- ცომი გავაბრტყელოთ 1 სანტიმეტრის სისქეზე და ამოვჭრათ პატარა დიამეტრის ჭიქით.
- ამოჭრილი ნაწილები ამოავლეთ ფქვილში, რომ ერთმანეთს არ მიეკროს. თითოეული მათგანი თხლად გააბრტყელეთ, ჩაუდეთ 1 ჩაის კოვზი ხაჭო და ცომის მეორე ნაწილი გადააფარეთ, ჯერ ხელით შეაერთეთ ნაწილები ერთმანეთს, შემდეგ კი ჩანგლით გაუკეთეთ გვერდი.
- მოხარშეთ ადუღებულ მარილიან წყალში, დასჭირდება 10 წუთი.
- ვარენიკები შეგიძლიათ გაყინოთ და სასურველ დროს მოხარშოთ.
შეიძლება ასევე დაგაინტერესოთ:
