ცოტა რამ ფრანგული კულინარიის შესახებ – გემრიელი ბლოგის მოგზაურობა
გემრიელი ბლოგის კულინარიული მოგზაურობა ფრანგული სამზარეულოდან იწყება.
(ჩართეთ მუსიკა)
მსოფლიოში ერთ-ერთი ყველაზე ცნობილი და სახელგანთქმული სამზარეულო აქვთ ფრანგებს. ფრანგული სამზარეულო ვითარდებობა საუკუნეების განმავლობაში პოლიტიკური და სოციალური ცვლილებების კვალდაკვალ, ამიტომ არსებობს კერძების, არომატებისა და ინგრედიენტების აშკარა მსგავსება სხვადასხვა რეგიონში.
მოდით მოკლედ გადავხედოთ ფრანგული სამზარეულოს ისტორიას. შუა საუკუნეებში ფრანგები ამზადებდნენ ძალიან მსუყე და მორთულ კერძებს, რომლებსაც ხშირად ძალიან ბევრი სანელებელი ჰქონდა. საფრანგეთის რევოლუციის დროს, გარდატეხა მოხდა კულინარიაშიც, კერძების მომზადების ტექნიკა დაიხვეწა და სანელებლების რაოდენობამაც იკლო. მეოცე საუკუნეში კი მაღალი კლასის კულინარიის თანამედროვე ვერსია განვითარდა. გასტრო-ტურიზმის დახმარებით სოფლის კერძები გახდა ფრანგული სამზარეულოს მნიშვნელოვანი ნაწილი.
ფრანგული კულინარიის ნაწილი ელეგანტურია, ნაწილი კი უბრალო, თუმცა დარწმუნებული იყავით, რომ ორივე მათგანი დახვეწილი და ძალიან გემრიელია.
თუ ფრანგულ კულინარიას ახლოდან დავაკვირდებით, ადვილად შევამჩნევთ, რომ მზადებისა და კერძების კომპონენტების საკმაოდ დიდი მრავალფეროვნებაა რეგიონების მიხედვით. ზოგიერთ რეგიონს ჰქონდა უფრო დიდი გავლენა ვიდრე სხვებს, მაგალითად მრავალი ფრანგი გეტყვით, რომ ბასკების სამზარეულომ მნიშვნელოვანი წვლილი შეიტანა ფრანგული კულინარიის განვითარებაში.
ღვინო და ყველი, ორივე მათგანს უდიდესი ადგილი უჭირავს ფრანგულ სამზარეულოში. თუმცა რეგიონების მიხედვით ესეც ცვალებადია, რადგან ფრანგებს აქვთ განსხვავებული კონტროლი წარმოშობის მიხედვით ღვინოზე, ყველზე, კარაქსა და სხვა პროდუქტებზე.
აღსანიშნავია ის ფაქტი, რომ ფრანგულ საზოგადოებაში შეფები ითვლებიან ხელოვნებისა და კულტურის მნიშვნელოვან წარმომადგენლებად. ნაციონალური ფრანგული სამზარეულო განვითარდა პარიზში იმ შეფების მიერ, რომლებიც ამზადებდნენ კერძებს საფრანგეთის სამეფო ოჯახისთვის. მოგვიანებით, რა თქმა უნდა, მათი კულინარიული ხერხები და ტრადიციები მთელი ქვეყნისა და მსოფლიოს მასშტაბით გავრცელდა.
სხვადასხვა საინტერესო ფაქტი:
- ფრანგები ჭამას უყურებენ არა მხოლოდ როგორც კვების პროცესს, არამედ როგორც კულტურას.
- საფრანგეთს აქვს სხვადასხვა ყველი წლის თითქმის ყოველი დღისთვის.
- საფრანგეთში ჭამენ 500,000,000 ლოკოკინას ყოველწლიურად.
- ფრანგები ჭამენ ცხენსა და კურდღელს. ამ ცხოველებისგან მომზადებული კერძების ნახვა სხვადასხვა რესტორნის მენიუში ჩვეულებრივი მოვლენაა.
- თითქმის ყველა სასურსათო მაღაზია იკეტება საღამოს 8 სთ-ზე და დაკეტილია კვირაობით. გამონაკლისს წარმოადგენს დიდი ქალაქები.
- ღვინო ფრანგული სადილის მნიშვნელოვანი ნაწილია. ალექსანდრე დიუმას თქმით, ღვინო ჭამის ინტელექტუალური ნაწილია.
- თითქმინს შეუძლებელია საფრანგეთში ნამდვილი მექსიკური საჭმლის პოვნა.
- დღესასწაულების დროს ფრანგები ყოველთვის სვამენ შამპანურს.
- 10 მილიონ ბაგეტს აწარმოებენ ყოველწლიურად საფრანგეთში. კანონით, ტრადიციულ ბაგეტს უნდა ჰქონდეს 3 ინგრედიენტი : ფქვილი, საფუარი და მარილი, და უნდა იწონიდეს 250 გრამს.
- ბევრი ადამიანი საფრანგეთში ცხელ სასმელებს სვამს თასებიდან და მასში პურს აწობს.
- სასმელები, რომელთა შემადგენლობაში 21% სპირტია, ლეგალურია 18 წლიდან. უმეტესობა ალკოჰოლური სასმელებისა კი, როგორებიცაა მაგალითად ღვინო და ლუდი, 16 წლიდან.
- მაშინ, როცა ფრანგული კულინარია ასოცირდება მდიდარ დესერტებთან, ოჯახებში დესერტები მოიცავს მხოლოდ ხილს ან იოგურტს.
- საფრანგეთი მსოფლიოში მეორე, ევროპაში კი პირველი, ქვეყანაა სასოფლო-სამეურნეო პროდუქტების ექსპორტის მიხედვით.
რამდენიმე გამოცდილი, გემრიელი რეცეპტი ფრანგული სამზარეულოდან:
შოკოლადის სუფლე, რეცეპტი: http://letscook.ge/shokoladis-sufle
რატატუი, რეცეპტი: http://letscook.ge/ratatui
კრეპი, რეცეპტი: http://letscook.ge/franguli-krepi
ლიმონის ტარტი ბეზეთი, რეცეპტი: http://letscook.ge/limonis-tarti-bezeti
შეიძლება ასევე დაგაინტერესოთ:
