მაწვნისა და კიტრის ცივი სუპი
როგორ კერძებს მივანიჭოთ უპირატესობა ზაფხულში? მარტივს, სწრაფად მოსამზადებელსა და, რა თქმა უნდა, გემრიელსა და სასარგებლოს. სწორედ ასეთი ცივი სუპის რეცეპტს გთავაზობთ. ძალიან მსუბუქია, არომატული და გამაგრილებელი. ზუსტად შეეფერება ზაფხულის ცხელ დღეებს. მოსამზადებლად მხოლოს რამდენიმე ინგრედიენტი და რამდენიმე წუთი დაგჭირდებათ.
დაგჭირდებათ:
- 1 დიდი კიტრი
- 500 მლ. მაწონი
- 500 მლ. ცივი წყალი
- 1 კონა კამა
- 1 კბილი ნიორი
- 2 ს.კ. ზეითუნის ან მზესუმზირის ზეთი
- მარილი გემოვნებით
მომზადება:
- კიტრი გავთალოთ, სიგრძეზე გავჭრათ და კოვზის საშუალებით ამოვიღოთ თესლი. შემდეგ კი პატარა ზომის კუბიკებად დავჭრათ.
- კამა და ნიორი წვრილად დავჭრათ.
- კიტრი, კამა და ნიორი ჯამში მოვათავსოთ, დავამატოთ ზეთი და კარგად ავურიოთ. შემდეგ შევურიოთ მაწონი და წყალი.
- კარგად ვურიოთ რომ მაწვნისა და წყლის მასები სრულად გაერთიანდეს. ბოლოს დავუმატოთ მარილი.
- სუპი მინიმუმ 30 წუთით შევდგათ მაცივარში, რომ გემოები ერთმანეთს გაუჯდეს და უფრო სასიამოვნო საჭმელი გახდეს სუპი.
შეიძლება ასევე დაგაინტერესოთ:
