0 0
ბერძნული გირო ღორის ხორცით

გააზიარე:

ასევე შეგიძლია დააკოპირო ლინკი გაზიარებისათვის

ინგრედიენტები

შეცვალე პორცია:
პიტა:
3 ჩ.ჭ. ფქვილი
2 ჩ.კ. საფუარი
1 ჩ.კ. მარილი
1/2 ჩ.კ. შაქარი
2 ს.კ. ზეითუნის ზეთი
1 ჩ.ჭ. წყალი წყალი
ძაძიკის სოუსი:
1 ჩ.ჭ. გაწურული მაწონი
5-6 ღერი კამა
1-2 კბილი ნიორი
ნახევარი კიტრი
1 ს.კ. ლიმონის წვენი
გემოვნებით მარილი
1/2 ჩ.კ. შაქარი
ხორცი:
800 გ. ღორის ხორცი
2-3 ს.კ. დიჟონის მდოგვი
გემოვნებით მარილი
გემოვნებით პილპილი
სალათი:
3 ც. კიტრი
3 ც. პომიდორი
1 თავი ხახვი
2 ც. მწვანე ბულგარული წიწაკა
ზეითუნის ზეთი
ორეგანო
მარილი
ასევე:
1.5 კგ კარტოფილი
გემოვნებით მარილი
2-3 ს.კ. ზეთი

ბერძნული გირო ღორის ხორცით

სამზარეულო:

    ბოლო პერიოდში განსაკუთრებით შემიყვარდა ბერძნული სამზარეულო და ვცდილობ უკეთ გავეცნო მას. გირო უგემრიელესი კერძია, რომელსაც შეიძლება ბერძნული "შაურმაც" კი ვუწოდოთ, თუმცა ამ უკანასკნელისაგან განსხვავებით, ბევრად ჯანსაღი და, ჩემთვის, ბევრად გემრიელია.
    გირო არის ბერძნულ თხელ პურში "პიტა" გახვეული შემწვარი ხორცი, რომელიც ძირითადად ღორის ან ხორცისაა, ამას ემატება კარტოფილი ფრი, კიტრისა და პომიდვრის სალათი და ძაძიკის სოუსი.
    რაც შეეხება ძაძიკის სოუსს, ეს არის ჩემი ყველაზე საყვარელი სოუსი, არის ძალიან არომატული და უხდება ყველაფერს, როგორც სალათს, ასევე შემწვარ კარტოფილს.

    • 4 საათი
    • პორცია 8
    • საშუალო

    ინგრედიენტები

    • პიტა:

    • ძაძიკის სოუსი:

    • ხორცი:

    • სალათი:

    • ასევე:

    მომზადება

    გაზიარება
    1. პიტას მოსამზადებლად, თბილ წყალ წყალს, რომელიც ხელს ოდნავ წვავს, დაუმატეთ საფუარი, შაქარი და ჩააცერით ნახევარი ჩაის ჭიქა ფქვილი და ხის სათქვეფით მოურიეთ. დადგით თბილ ადგილზე ასაფუებლად 15 წუთით. როცა აფუვდება დაუმატეთ ზეითუნის ზეთი, მარილი და დარჩენილი ფქვილი. მოზილეთ რბილი ცომი, გადაიტანეთ ზეთწასმულ ჭურჭელში, ცომს თავზე ცოტა ზეთი გადაუსვით, რათა ზედაპირი არ გამოშრეს. ჭურჭელს გადააფარეთ ჩაის ტილო და დადგით თბილ ადგილას ასაფუებლად 1-2 საათი. აფუების შემდეგ ცომი გაყავით 8 ტოლ ნაწილად. თითოეული გუნდა გააბრტყელეთ 4-5 მმ სისქეზე და გამოაცხვეთ გაცხელებულ ტაფაზე ორივე მხრიდან, როცა ოდნავ  შეწითლდება თითოეული მხარე, მზადაა.
    2. ძაძიკის სოუსის მოსამზადებლად, გაწურულ მაწონს დაუმატეთ წვრილად გახეხილი ნიორი, შაქარი, მარილი, ლიმონის წვენი და წვრილად დაჭრილი კამა. კიტრი გათალეთ, გაჭერით სიგრძეზე და კოვზის დახმარებით გული მოაშორეთ. კიტრის ნახევარი ჩაახეხეთ სოუსს. კარგად აურიეთ და ძაძიკის სოუსი მზადაა.
    3. ღორის რბილი ხორცი დაჭერით 2 სმ სისქის ნაჭრებად, თითოეულ მხარეს წაუსვით დიჟონის მდოგვი, მარილი და პილპილი. შეწვით გაცხელებულ ტაფაში ორივე მხრიდან. შემწვარი ხორცი დაჭერით თხელ ნაჭრებად.
    4. კარტოფილი გათალეთ, დაჭერით ნახევარი სმ-ის სისქის ნაჭრებად, მოაყარეთ მარილი, მოასხით ზეთი და კარგად აურიეთ. მე კარტოფილი გამოვაცხე რაც უფრო ჯასაღი ვარიანტია, თქვენ შეგიძლიათ ბევრ ზეთში შეწვათ. თუ გამოცხობას გადაწყვეტთ,  გადაიტანეთ საცხობ ფორმაზე, რომელსაც ქაღალდი ან “ფოლგა” უნდა დაუფინოთ და შედგით 220 გრადუსზე გაცხელებულ ღუმელში და გამოცხვეთ.
    5. სალათი: დაჭერით კიტრი და პომიდორი, დაუმატეთ ალყა-ალყა დაჭრილი ხახვი და ჟულიენებად დაჭრილი ბულგარული, მოაყარეთ მარილი, ორეგანო და მოასხით ზეითუნის ზეთი, კარგად აურიეთ.
    6. გირო შეგიძლიათ ორნაირად ააწყოთ – ერთი ვარიანტია პიტაში გახვევა, ხოლო მეორე შემთხვევაში თეფშზე ააწყვეთ.
    7. პიტაში მომზადებისას პიტას პურზე მოათავსეთ ხორცის ნაჭრები, ზემოდან დაადეთ გამომცხვარი კარტოფილი და სალათი, მოასხით ძაძიკის სოუსი და მზადაა.

    უგემრიელესი გირო მზადაა, გემრიელად მიირთვით!

    მედეა ჩუბინიძე

    ბლოგის ავტორი.

    წინა
    ძალიან ხრაშუნა და უგემრიელესი “სნიკერსი”
    შემდეგი
    ღორის ხორცი კარამელიზირებული ხახვითა და ყველით
    წინა
    ძალიან ხრაშუნა და უგემრიელესი “სნიკერსი”
    შემდეგი
    ღორის ხორცი კარამელიზირებული ხახვითა და ყველით
    error: საავტორო უფლებები დაცულია!!