იტალიური ბეზე; გამომცხვარი ბეზე (მეორე ვარიანტი)
მიუხედავად იმისა, რომ ამ პოსტში მხოლოდ გამომცხვარი ბეზეს ფოტოს გიზიარებთ, პოსტის სათაურში “იტალიურ ბეზესაც” წაიკითხავთ, რადგან ორივეს მომზადებას გასწავლით. ეს ბეზე ცხვება იტალიური ბეზესგან, ამიტომ თუ თქვენ ბეზე მოსართავად გსურთ, შეგიძლიათ გამოცხობის ეტაპი გამოტოვოთ და დაიტოვოთ ძალიან პრიალა და მყარი ბეზე. ორივენაირად არავეულებრივია. გამოცობას ძალიან, ძალიან დიდი დრო სჭირდება, რადგან შიგნიდან ძალიან კარგად შრება, მაგრამ გარედან მაინც ცოტა წებოვანი რჩება, ამიტომ ბოლომდე გამოსაშრობად დიდი დროა საჭირო, დაახლოებით 4-4,5 საათი.
დაგჭირდებათ:
- 3 კვერცხის ცილა (ოთახის ტემპერატურის)
- 80 მლ. წყალი
- 250 გ. ანუ 10 ს.კ. შაქარი
- 2 გ. ვანილინი
- მწიკვი მარილი
მომზადება:
- პატარა ქვაბში ჩაასხით წყალი, დაუმატეთ შაქარი და დადგით საშუალო ცეცხლზე, ურიეთ განუწყვეტლივ იქამდე, სანამ არ ადუღდება. როცა ადუღდება, შეწყვიტეთ მორევა. უნდა ადუღოთ იქამდე, სანამ სიროფი 115 გრადუსი არ გახდება. თუ თერმომეტრი არ გაქვთ, გეტყვით როგორ უნდა შეამოწმოთ მზადაა თუ არა – თეფშზე სიროფი დააწვეთეთ, თუ წვეთი შეიკვრება და პატარა ბურთივით იქნება, მზადაა.
- კვერცხის ცილის ათქვეფა მწიკვ მარილთანა და ვანილთან ერთად დაიწყეთ დაბალი სიჩქარით, როცა აქაფდება, ნელ-ნელა, წვრილ ნაკადად შეათქვიფეთ ცხელი სიროფი, როცა ბოლომდე დაუმატებთ, თქვეფა მაღალი სიჩქარით გააგრძელეთ.
- უნდა თქვიფოთ იმდენი ხანი, სანამ ჯამი არ გაცივდება და ბეზე მყარი და პრიალა არ გახდება, დაახლოებით 10 წუთი დასჭირდება
იტალიური ბეზე მზადაა, ახლა კი თუ გამომცხვარი გსურთ, განაგრძეთ კითხვა და მოგიყვებით, როგორ უნდა გამოაცხოთ.
- გამოსაცხობად ფორმაზე ორფენად დააფინეთ საცხობი ქაღალდი და საკონდიტრო ტომრით დასვით ბეზეს ფორმები.
- შედგით 120 გრადუსზე გაცხელებუ ღუმელში და როგორც კი შედგამთ დაუწიეთ 100 გრადუსამდე, საცხობის კარს ბოლომდე ნუ დახურავთ, ხის კოვზი ან რაიმე დაუდეთ, რომ ოდნავ ღია იყოს. აცხვეთ 4-4,5 საათი. (ზედა და ქვედა წვა ორივე ჩართული უნდა იყოს). გამომცხვარი ბეზეები საცხობშივე გააციეთ, რათა ტემპერატურის სხვაობამ არ დაბზაროს.
ძალიან ხრაშუნა და გემრიელი გამომცხვარი ბეზეც მზადაა, გემრიელად მიირთვით!